Едно лице загина во сообраќајната несреќа што се случила вчера на улицата „Скупи“ меѓу патничко возило „голф“ со скопски регистарски ознаки, управувано од Б.О. (27) од Скопје и мопед „пежо“ со скопски регистарски ознаки, управуван од Г.Ц.(30) од Скопје информираат од Министерството за внатрешни работи.
Возачот на автомобилот прво избегал од местото на несреќата, но подоцна сам се пријавил во полициската станица Бит Пазар. По несреќата Г.Ц. и сопатникот од мопедот М.Ѓ.(50) од Скопје биле пренесени во Комплексот клиники „Мајка Тереза“ каде од страна на лекар на Г.Ц. му биле констатирани тешки телесни повреди, а М.Ѓ. им подлегнал на повредите.