48-годишен маж загина во сообраќајка во Ново Лисиче, тешко е повредена неговата ќерка

Од:

48-годишен маж од Стајковци загинал во тешката сообраќајна несреќа што ноќеска се слуќила во населбата Ново Лисиче во близина на центарот „Лиса“, а неговата 15-годишна ќерка е тешко пворедена.

dobivaj vesti na viber

Дежурен јавен обвинител од Основното јавно обвинителство Скопје извршил увид на местото на тешка сообраќајна несреќа која се случи околу полноќ во Ново Лисиче, на сервисна улица во близина на трговскиот центар „Лиса“ информираат од Основното Јавно обвинителство.

Според првичните сознанија, до несреќата дошло при судар на два автомобили – „Рено“ управувано од 21-годишен скопјанец и „Фолксваген поло“ со кое управувал 48-годишен жител на Стајковци.

Во несреќата, возачот на автомобилот Фолксваген се здобил со тешки телесни повреди на кои им подлегнал на лице место. Со тешки телесни повреди се здобила и неговата 15-годишна ќерка, сопатничка во автомобилот. Возачот на автомобилот Рено се здобил со телесни повреди и откако му била укажана лекарска помош, тој е задржан во полициска станица.

Во насока на утврдување на причините за несреќата, јавниот обвинител издаде наредба за обдукција на телото на починатиот, како и за вештачење на примероци од крв и урина од возачот на другиот автомобил со цел да се утврди евентуално присуство на алкохол или други недозволени средства. Со наредба на јавниот обвинител ќе бидат обезбедени и снимките од видео надзорот на местото на несреќата преку системот „Безбеден град“.​

Би можело да ве интересира

Пронајдени оружје и дрога при претрес во Скопје

Македонка загина на работното место во Данска

А1он

Тетовец ја нападнал сопругата

Прегазен малолетник во Прилеп, возачот избегал

Еден загинат во тешка сообраќајна несреќа на патот Кичево-Охрид

Катерина Павлова-Николовска

На концерт во Скопје петмина приведени, пронајдена дрога

Катерина Павлова-Николовска