Даночниците и Македонската радио телевизија „брцнаа“ во џебот на граѓаните. Револтот и гужвите и денеска растат, преполно е во УЈП, бидејќи на околу 23.000 граѓани, поради неплатена радио-дифузна такса, УЈП им ги блокираше сметките. Присилна наплата се врши за три неплатени сметки за радиодифузна такса.
Дополнителен револт кај граѓаните е и новиот трошок. За да ги деблокираат своите сметки,граганите ке треба да платат плус 1.500 денари. МРТВ е инаку еден од најголемите должници кон државата.
МРТВ го држи 12. место според големината на својот даночен долг, односно таа има неплатени обврски кон државата од околу два милиона евра. Таа, заедно со МРД е должник, а од граѓаните бара редовно да ги сервисираат долговите, и нивните сметки се блокираат.