22-годишно момче од Шпанија попладнево се удави на отворениот Олимписки базен во Битола.
Несреќата се случила околу 17 часот, а безуспешни биле обидите на лекарите од Итната помош за негова реанимација, по што е констатирана смрт кај младиот шпански државјанин кој престојувал во Битола.
Битолското МВР го потврди настанот и инфомира дека полицијата изврши увид на местото на несреќата
„Денеска во 16.46 часот во СВР Битола е пријавено дека во отворениот Олимпискиот базен во Битола се удавил шпанскиот државјанин на возраст од 22 години.
Смрт констатирал лекар од Итна медицинска помош, а увид извршила увидната екипа на СВР Битола.
По наредба на јавен обвинител телото е предадено за обдукција“ велат од МВР Битола