Вчера попладне, полицијата пронашла 20 мигранти од Пакистан во товарен воз на железничка станица Криволак, информира Министерството за внатрешни работи.
– На 13.11.2021 во 14.40 часот во товарен воз на железничка станица Криволак, полициски службеници од Единицата за брзо распоредување пронашле 20 лица – мигранти од Пакистан. Лицата биле предадени на полициски службеници од Полициската станица за граничен надзор Михајлово за понатамошна постапка. На 13.11.2021 во 16.55 часот на ул.„Индустриска“ во Неготино, полициски службеници од Полициската станица Неготино пронашле 9 лица – мигранти од Пакистан, известува МВР.
Лицата биле предадени на полициски службеници од Полициската станица за граничен надзор Михајлово за понатамошна постапка.