Протест на приватните автопревозници, Скопје во сообраќаен хаос

Од:

Приватните превозници вклучени во скопскиот јавен превоз денеска го започнаа својот најавен протест со блокада на крстосницата кај „Мавровка“. Од приватниот градски автобуски превозник „Слобода превоз“ велат дека не е утврдено времетраењето на протестот бидејќи се планира да трае до исполнување на барањата. Протестот е поради наводен долг од Град Скопје и ЈСП кој приватните автопревозници во износ над 400.000 евра.

Според најавите на приватниот автобуски превозник „Слобода превоз“, блокирањето ќе со повеќе од 30 автобуси и со над 300 лица. МВР апелира до граѓаните да ги почитуваат наредбите што ги издаваат полициските службеници.

Поради затворената крстосница, од утринава на голем број улици и булевари „заглавени“ се низа автобуси на ЈСП и возила. Сообраќајот на некој крстосници е регулиран од полицијата, а граѓаните се жалат дека долго патуваат низ големата гужва, додека пак други преку социјалните мрежи тврдат дека им треба повеќе од 40 минути да стигнат до центарот на градот.

Приватниците најавуваат дека ако брзо не се решат нивните барања во наредните денови блокадата ќе се прошири и на други делови од сообраќајниците во Скопје.

– На средбата со УО на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти – се вели во соопштението до медиумите од „Слобода превоз“.

Би можело да ве интересира

Протест на лекарите специјализанти, во тек состанок со претставници на Министерството за здравство

Граѓаните бараат извршителите да ги почитуваат законските измени со кои долговите застаруваат

Џафери: Закажани се избори, не може да се потпишат колективни договори, протестите на универзитетите се за дневни политики

За 12,5 отсто е намален бројот на патници со автобус во четвртиот квартал лани

Бугарија: Земјоделците организираа протест пред зградата на Владата барајќи оставка од ресорниот министер

Грчките земјоделци со симболични блокади на граничните премини „Ники“ и „Евзони“ со Македонија