Битолскиот полицаец Енвер Тоска осуден на 18 години затворска казна за свирепото убиство на својот сограѓанин 36, годишниот Бекир Алили кај прилепското село Беловодица. Тоска на првото рочиште од судскиот процес против него, во Кривичниот суд во Прилеп го призна убиството и изрази жалење до семејството на Алили.
25-годишниот Енвер Тоска, според обвинението, на 14 септември минатата година го убил Бекир Алили по што го запалил неговото тело за да ги скрие доказите при тоа бил свесен за делото кое го сторил.
Мотивите за убиството остануваат непознати. Досега во медиумите се појавија шпекулации дека станува збор за крвав расплет на должничка криза односно. Наводно сега осудениот Тоска му должел поголема сума на пари на Алили.
Ова е едно од најтешките и најсвирепо извршени кривични дела, убиство од член 123, став 2. Казната за ова кривично дело изнесува минимум 10 години.
Виктор Јованов