„Жалам што не успеавме порано да воспсотавиме контакти. Изгубеното време ќе треба да го надоместиме“, изјави претседателот на Република Македонија, Ѓорѓе Иванов, по средбата со казахстанскиот претседател Нурсултан Назарбаев.
„И Македонија и Казахстан претставуваат мост на цивилзациска и културна соработка меѓу Истокот и Западот и двете земји играат значајна и клучна улога во своите реегион“, рече Иванов.
Претседателот Иванов нагласи дека Македонија практично го спроведува Дијалогот меѓу цивилизациите како нејзин регионален проект за промоција на етничките, културните, јазичните и верските различности и го покани претседателот Назрабев да учествува на следниот Самит на оваа иницијатива.
„Македонија е пример за меѓуетнички соживот, благодарејќи на уникатниот модел на интеграција без асимилкација, кој успеавме да го создадеме, сочуваме и надградуваме“, изјави претседателот.
Назарбаев потенцира дека Македонија е можеби еден од најважните пријатели на Казахстан, нагласувајќи го интересот на земјата за зајакнување на економската соработка и односи.