Денеска се одбележуваат 12 години од офанзивата на македонските вооружени сили во Арачиново во 2001-та, во обид да се заземе селото, во кое на 9 јуни 2001 година тогашната ОНА под водство на Џезаир Шаќири, познат како командант Хоџа, прогласи слободна територија.
Во битките на македонските вооружени сили и припадниците на ОНА во Арачиново загинаа тројца припадници на полицијата: Атанас Јанев, Никола Пехчевски и Александар Стојчев, а Оливер Китановски, кој беше тешко ранет, почина во болница на 28 јуни.
Неколку дена откако македонските бранители влегоа во Арачиново, со одлука на државниот врв и претставниците на НАТО и ОБСЕ беше донесена одлука да се повлече македонската војска, а припадниците на ОНА беа евакуирани од Арачиново со автобуси под покровителство на НАТО.
Оваа одлука предизвика револт кај граѓаните, по што се организираа масовни протести со нереди пред Собранието.
