Сто и седумнаесет случаи со симптоми на сезонски грип се евидентирани во дебарско. Во амбулантите на матичните лекари, како и во Општата болница и Здравствениот дом, се зголемува бројот на оние кои бараат лекарска помош.
– Бројот е многу поголем бидејќи дел од заболените не се јавуваат на лекар туку користат лекарства дадени за нивни биски во семејството или се лекуваат на своја рака. Што се однесува до пациентите со вирози нивниот број е неколкупати поголем, вели епидемиологот Ментор Меља, раководител на Работната единица на Заводот за здравствена заштита во Дебар.
Според него, имајќи ги во предвид временските услови, бројот на заболените и натаму расте. Бидејќи грипот најмногу се шири меѓу учениците, Меља потврди дека во сите образовни институции е извршена дезинфекција.
Грипот и вирозите, како што потврдуваат матичните лекари, со иста динамика се шират и во градот и во селските населби.