Според една детска песна „И да врне и да вее…и бура да коси“, на Македонецот ни крвава војна не му пречи. Одлучил да се пече и шета во летувалиштата на Црвеното Море, Хургада и Шарм ел Шеик.
Иако атмосферата во Египет се повеќе наликува на граѓанска војна, од туристичките агенции велат дека македонските патници не ги откажуваат аранжманите, па дури одат и со деца, пренесува Дневник.
Египет ќе го посетат 6.200 туристи од регионот, од кои 1.000 се од Македонија. Туристичките агенции убедуваат дека безбедноста на гостите не е загрозена бидејќи се далеку од немирите.