1.000.000 денари за подобрување на условите за живот на Ромите во Штип

Од:

Градоначалникот на Општина Штип, Илчо Захариев, денес оствари средба со Министерот без ресор во Владата на Република Македонија, Неждет Мустафа.

На средбата се разговараше за проектите што се дел од акцискиот план за декадата на Ромите, а треба да бидат реализирани со помош на Општина Штип, како и за активностите што треба да бидат преземени со цел подобрување на животниот стандард на ромската популација во Штип.

На средбата се разговараше и за новата ромска населба, која треба да се изгради во непосредна близина на Мирјанината црква. Во новата ромска населба треба да бидат изградени 96 нови бараки со површина од 25м2, кои ќе обезбедат пристоен живот за неколку десетици семејства од ромска популација.

„Од 2010 до 2012 година на локалната самоуправа на општина Штип ѝ имаме помогнато со средства во висина од 5.500.000 денари, кои беа наменети за подобрување на инфраструктурата на населеното место каде што живее ромската заедница. И оваа година, како и до сега, ќе учествуваме во проектите на Општина Штип со средства во висина од 1.000.000 денари, а исто така со градоначалникот ќе работиме на подобрување на животните услови на ромите“, изјави министерот Неждет Мустафа.

Градоначалникот Илчо Захариев истакна дека во иднина ќе се продолжи со активностите што имаат цел подобрување на условите за живот на ромското население во Штип, а со цел Штип да стане пријатно место за живеење за сите граѓани.

stis (1)

Во однос на проектот за изградба на новата ромска населба, министерот Неждет Мустафа изјави дека се работи со забрзано темпо и дека се надева дека наскоро ќе бидат доделени клучевите од новите бараки на загрозени ромски семејства.

Министерот Неждет Мустафа не одговори на прашањето за висината на средствата со кои ќе партиципира Владата на Република Македонија во изградбата на овој проект, како и за вкупниот износ на овој проект, бидејќи најнапред требало да се изработи Детален урбанистичкиот план и да се допрецизираат одредени сегменти од овој проект, а потоа да се утврди колку тој ќе чини.

stis (2)

Би можело да ве интересира

(ВИДЕО) Филипче: Павел Иванов е симбол на храброст и чесност, Штип заслужува лидер како него

Горан Наумовски

Се повеќе деца и вработени од штипско средно училиште се затруени со јадење од сендвичара

Симптоми на труење од храна од сендвичарницата имаат 15 ученици од штипско средно училиште

Дино Мерлин настапи пред 100.000 луѓе во Штип

Предраг Петровиќ

Насилникот кој истепа две деца на натпреварот меѓу „Шкупи“ и „Брегалница“ во судница побара симултан превод

Продолжен притворот за родителот, кој физички нападна двајца малолетни фудбалери на штипскиот стадион Бело Брдо