Израелскиот премиер Бенјамин Нетанјаху денес, пред да се врати во Израел од посетата на Соединетите Американски Држави, изјави дека Иранците можеби ќе бидат принудени да прифатат „добар договор“ со Вашингтон.
„Тукушто ја завршив кратката, но важна посета на Вашингтон, за време на која разговарав со нашиот голем пријател, претседателот Трамп“, рече Нетанјаху на аеродромот во воздухопловната база Ендрус во Мериленд, објави „Тајмс оф Израел“.
Тој истакна дека Израел и САД имаат блиски, искрени и отворени односи.