Без дозвола и потребни документи, градоначалникот на Струга, Рамиз Мерко, урива и преградува, односно реновира објект што е прогласен за значајно културно наследство. Сето тоа без конзерваторско одобрение од Управата за заштита на културното наследство. Во зградата на поранешното училиште планира да ја пресели општинската администрација сосе него, иако за ова нема одлука од Советот на Општина Струга.
Мерко си изработува спуштен таван од гипс-картони, менува подни и ѕидни плочки, поставува ламинат, поставува преградни ѕидови, вградува врати, заменува делови од дрвената кровна конструкција, а ќе ја бои и фасадата. За реновирањето на објектот кој е прогласен за значајно културно наследство, а кое се прави без дозвола, Општина Струга склучила договор вреден 8.998.438 денари или 146.316 евра.
Кога го прашавме како врши градежни работи во зградата кога таа е под заштита, рече: „Немојте сега од ова да правите некои паради, некои филмови. Недолично е прашањето, ваму било заштитено значи да не се користи“.
Фирмата од Лабуништа која реновира, според системот за јавни набавки, тендери добива од 2018 година, односно, откако Мерко стана градоначалник на Струга по третпат.
Повеќе во видео истражувањето на „А1он“.
Продолжува…
Претходно: (ВИДЕО) Досие „Мерко“: 14 кривични пријави, една процесирана, ниту една пресуда