Чешкиот претседател Милош Земан во интервјуза австрискиот неделник „Профил“ упати бројни критики кон регулаторните упатства на Европската комисија, јави дописникот на МИА од Прага.
Земан смета дека ЕК не треба да се грижи за светилките, пушењето или алкохолните пијалоци, а искажа и несогласување за финансиската помош за Грција и за Кипар.
– Мојот омилен пијалок беше „Бехеровката“, пред ЕУ во една од своите Директиви да установи дека ликерите содржат шеќери и оттогаш пијам само „Сливовица“ вели Земан во дел од интервјуто кое ќе биде објавено в понеделник.
Земан го повторил својот став, за побрзо воведување на еврото како национална валута во Чешка, но искажа несогласување за финансиска помош за Грција и Кипар.
– Не би можел да замислам дека чешкиот министер за финансии би се согласил со помош за Кипар или за Грција, истакна Земан за австриски „Профил“.