ВМРО-ДПМНЕ со писмено соопштение реагира на изјавите на вице-премиерот Кочо Анѓушев.
„Вице-премиерот Кочо Анѓушев со денешната изјава покажува класично непознавање на материјата за која што е одговорен. Не само што има соработка на домашните со странските компании туку таа постојано се зголемува.
Факт број 1: во Македонија има над 100 странски компании кои што вработуваат 22 000 граѓани. Поголемиот дел од нив соработуваат со најмалку 500 домашни компании на годишно ниво.
Факт број 2: околу 55 милјони евра домашните компании заработуваат годишно како резултат на соработката со странските компании
Факт број 3: во изминатите 10 години се привлечени странски инвестиции во висина од 2,6 милјарди евра во време на СДСМ немаше ниту една странска инвестиција
Факт број 4: од 1 јануари до 1 јуни оваа година под услови на тешка политичка криза владата обезбеди 6 инвестиции кои што потенцијални ќе вработат 3000 граѓани.
Поминува 1 месец од владеењето на владата на СДСМ цела влада со повеќе министерства не успеа да вработи ниту едно ганапче, а камо ли да отвори странска инвестиција. Кочо Анѓушев наместо да се занимава со демагогија нека ги засука ракавите и нека почне да работи“ се вели во реакцијата на ВМРО-ДПМНЕ.