Владина делегација предводена од вицепремиерот и министер за финансии Зоран Ставрески престојува во Индија каде ќе ги презентира инвестициските можности на Република Македонија пред индиски бизнисмени.
Делегацијата, во чиј состав се и министерот за привлекување странски инвестиции Бил Павлески и директорот на Дирекцијата на технолошко индустриските развојни зони Виктор Мизо, во Индија ќе посети четири града, Горегаон-Меданта, Лакнаоу, Хидерабад и Ченаи.
Владиниот тим, кој ќе престојува во Индија до 9 октомври, вчера имаше средби со претставници на Конфедерацијата на индиските индустрии, како и со претседателот на конфедерацијата за Југоисточна Европа во градот Горегаон-Меданта.