(ВИДЕО) Арсовски: Тевдовски и Заев на месец и половина пред избори ќе ја задолжат Македонија за нови 130 милиони евра

Од:

Тевдовски и Заев денес на месец и половина пред избори ќе ја задолжат Република Македонија за нови 130 милиони евра, обвини портпаролот на ВМРО-ДПМНЕ, Димче Арсовски.

„Дали власта се задолжува над 130 милиони евра со цел изборна корупција. Каде ќе завршат милионите на граѓаните на Република Македонија кои треба да ги враќаат истите со камата? Дали истите се наменети за изборен поткуп исто како сите оние вработувања кои што во моментов се реализираат? Спиралата на задолжување веќе не може да запре. СДСМ ја води државата кон инсолвентност.

Само за две години колку што се на власт го зголемија јавниот долг за над половина милијарда евра со што истиот надмина 5 милијарди евра и е над 50% од БДП. СДСМ се задолжува, а граѓаните воопшто не знаат за што одат и се трошат парите.

Две години власта нема ставено камен на камен, или изградено барем една педа автопат. Еден проект не е направен, една улица не е асфалтирана, граѓаните газат во кал. Никој не знае каде одат милијардите, кои утре сите граѓани нa Република Македонија ќе ги враќаат со високи камати.

Пред да дојдат на власт СДСМ ветуваа дека ќе го намали задолжувањето, сега откако се власт, не само што не го намалија туку и енормно го зголемија. Со оваа темпо на задолжување државата се движи кон границата на инсолвентност, што за многу кратко време ќе предизвика државата да има проблем со отплаќање на долговите“, изјави Арсовски на денешната прес-конференција.

Би можело да ве интересира

ВМРО ДПМНЕ бара продолжување на зимскиот распуст за две недели

А1он

ВМРО-ДПМНЕ: Прославата на Арсовска скопјани ги чинеше нула денари

А1он

Заев додели плакети на пратениците од првиот состав на Собранието

А1он

Пендаровски го прими известувањето за оставката на Заев

А1он

Стоилковски, Арсовски и Миева бараат да бидат тргнати од предлог листите за членови на управни одбори

Катерина Павлова-Николовска

Оставката на Заев стигна во Собранието

А1он