Унгарија започна кампања против ММФ

Од:

Унгарската влада започна остра медиумска кампања против Меѓународниот монетарен фонд.

„Нема да му се поклониме пред ММФ“, „ Нема да ја дадеме независноста на Унгарија“, „ Што сакаме од ММФ?“, „Почитување и доверба“, се само некои од насловите објавени на страниците на најголемите национални дневни весници, пренесуваат француските медиуми.

Владата на Унгарија ќе потроши околу 200 милиони форинти (705.000 евра) на кампања, што ќе трае до 8-ми ноември, и покрај тоа што води преговори со ММФ и ЕУ за заем од 15 милијарди евра

Објаснувајќи ги причините за почнување на ваквата камапња, владата соопшти дека „многу медиумски извештаи содржат погрешни информации за барањата на ММФ и ЕУ“, додавајќи дека „обврска на унгарската влада е да го информира општетсвото за преговорите со ММФ и ЕУ и за актуелните факти“.

Унгарија во 2011-та година побара финансиска помош од ММФ и ЕУ, откако вредноста на нејзината валута забележа остар пад, а владините трошоци за задолжување во голема мерка пораснаа.

Минатиот месец Унгарија ги отфрли условите на ММФ и ЕУ, што беа услов за добивање на помошта.

Премиерот Виктор Орбан денеска порача дека Унгарија ќе биде во состојба самостојно да се финансира и во 2013 година, како што е тоа случајот и годинава.

„Секако дека финансирањето со спогодба е поедноставно, но исто така е изводливо и без него“, рече Орбан.

Би можело да ве интересира

(ВИДЕО) Страотна несреќа на рели во Унгарија: Најмалку четворица мртви

Катерина Ѓуровски

Испливаа детали за скандалот кој ја принуди унгарската преседателка на оставка

Катерина Ѓуровски

По претседателката Новак, оставка поднесе и унгарска пратеничка

А1он

Сијарто: Унгарија не сака руски имот, тоа е наследство на комунизмот

Орбан: ЕУ ни се заканува со Армагедон

ЕУ подготвува казна за Унгарија