Турската компанија за производство на апарати за домаќинство „Беко’’ ќе инвестира 110 милиони долари за изградба на своја фабрика во Тајланд.
Капацитетот, во рамките на турскиот концерн „Арчелик’’ ќе произвеува фрижидери, машини за перење и еркондишни наменети за Тајланд и другите девет држави од АСЕАН, кои се подготвуваат во втората половина на идната година да започнат да функционираат како економска заедница со правила речиси идентични на ЕУ.
„Беко’’ сега има 14 фабрики во Европа, Кина и Јужна Африка, а новиот капацитет во Тајланд во рок од три години треба да биде меѓу трите најголеми капацитети на оваа компанија.
Газдите од„Беко’’ најавија дека во овој период очекуваат продажба на своите производи во вредност од над 500 милиони долари, од кои само 12 посто ќе бидат остварени во Тајланд.