Трошоците на живот во октомври зголемени за 0,5 отсто во однос на септември

Од:

Трошоците на живот во октомври биле зголемени за 0,5 проценти во однос на септември, а за 4,1 процент во споредба со октомври лани. Цените на мало, пак, во октомври биле на исто ниво како и во септември, а во однос на октомври лани се зголемени за 6,1 процент, објави денеска Државниот завод за статистика.

Пораст на трошоците на животот во споредба со септември е забележан кај шеќерот, џемот, медот, чоколадата и кондиторските производи за 2,5 проценти, кај маслото и маснотиите за 2,3 проценти, кај лебот и житата за 1,8 проценти, кај месото за 1,7 проценти, кај прехранбените производи, неспоменати на друго место за 1,2 проценти, кај млекото за 0,7 проценти, кај сирењето и урдата за 0,5 проценти и кај рибата и морските плодови и жестоките пијалаци за 0,3 проценти.

Во октомври, исто така, пораст на трошоците на животот имало и кај гасот и течните горива за домаќинствата, рестораните и кафулињата, обувките, услугите за домаќинствата, услугите за одржување и поправки на живеалиштето, цврстите горива за домаќинствата, накитот и часовниците, големите и малите електрични апарати за домаќинствата….

Намалување на трошоците на животот имало кај свежиот и разладениот зеленчук, освен компирите и другите коренести плодови, свежото и разладеното овошје, пивото, минералната вода, газираните пијалаци, соковите од овошје и зеленчук и виното. Намалување имало и кај воздухопловниот патнички транспорт, туристичките пакет-аранжмани, велосипедите, книгите….

Би можело да ве интересира

ОН: Македонците живеат во просек 75 години

Ана Ололовска

Комуналниот отпад по жител во 2020 година 68 килограми поголем од 2016

Ана Ололовска

Минималните трошоци на четиричлено семејство во октомври зголемени за 200 денари

Катерина Павлова-Николовска

Зголемени трошоците на живот и цените на мало

Ана Ололовска

Размената 9,44 милијарди евра, трговскиот дефицит 1,448 милијарди

Ана Ололовска

Трошоците на живот во јуни поголеми за 2,7 отсто, а цените на мало за четири

Ана Ололовска