Светска банка подготвува финансиска помош за земјите соседи на Сирија, во кои се сместени бегалците сириската граѓанска војна.
Претставник на банката во Вашингтон изјави дека ваквата помош, пред се, се планира за Либан и Јордан и дека околу тоа веќе се преговара со државите од реонот на Персискиот Залив, кои би се вклучиле со средства во финансискиот пакет.
Според Светска банка, планот да им се помогне на сириските соседи, бил добро прифатен од повеќето од планираните учесници во пакетот за помош, па банката се надева дека првите уплати во специјалниот фонд, се очекуваат да пристигнат во следните четири, до шест месеци.
Планот на Банката предвидува, таа да им додели вонредни зајмови на Лобан и на Јордан, а донаторите да ја покриваат, најмалку, каматата на кредитите.
Според податоците на ОН, најголем број сириски бегалци има во пограничните реони на Турција, но многу поголем товар за економијата се бегалците во другите две помали соседни економии – либанската и јорданската.
Во Либан, бројот на бегалците претставува дури 30 отсто од вкупното население на оваа земја, а во Јордан, дваесет отсто, што е многу повеќе отколку во далеку понаселената и економски посилна Турција.