Португалскиот Статистички институт денеска информираше дека во 2017 година дефицитот го достигнал нивото од 3 проценти од бруто домашниот производ, кое, според правилата на Европската унија, се смета граница на прекумерно трошење.
Зголемената потрошувачка се должи на одлуката на левичарската Влада да ја санира државната банка ЦГД со инфузија на четири милијарди евра. Според Институтот, по овој еднократен расход, дефицитот ќе се спушти на ниво од околу 1 процент од португалскиот БДП.
Португалија сепак се соочува со прекумерен долг. Со значителни мерки на штедење, државата успеа да го намали вкупниот долг од 130 проценти од БДП во 2016 година на 125,7 проценти во 2017 година, и на сегашните 123,1 проценти.