Скоро 90 отсто од баровите и рестораните во Њујорк не можеа да ја платат киријата за август, пренесува Њујорк пост.
Во новата студија направена од „NYC Hospitality Alliance“, осумдесет и седум отсто од баровите, рестораните, ноќните клубови и другите објекти за организирање на јавни настани од пет општини, не биле во можност да ја платат августовската кирија, според податоците објавени од 457 анкетирани бизниси.
Угостителите бараат намалување на кириите бидејќи како што истакнуваат тие ситуацијата е многу влошена по појавата на пандемијата со Ковид-19.
Според студијата, само 12,9 отсто од сопствениците на рестораните можеле да ги покријат целосните трошоци.
Во градот од коронавирус досега се заразиле вкупно 245.000, во последните 24 часа бројката на заразени е над 400 лица.
Вкупниот број на починати од коронавирус изнесува 23.777, а во последното деноноќие животот го загубиле шестмина.