„Суровата зима може да доведе до социјални немири во Европа, каде руската инвазија на Украина веќе доведе до страшни економски последици, поради што се стравува од рецесија“.
Ова го изјави првиот човек на Меѓународниот монетарен фонд – Кристалина Георгиева која порача дека поради актуелната ситуација, Европската централна банка мора внимателно да ја балансира борбата против инфлацијата, имајќи ја предвид „неопходноста од зајакнување на економијата“.
„Во некои земји секако постои страв од рецесија, а и да не се случи, ќе изгледа како да се случи оваа зима“ – рече Георгиева.
„Ако мајката природа одлучи дека не сака да соработува, а зимата е сурова, може да дојде до социјални немири“ – рече таа.