СДСМ: Платите продолжуваат да растат

Од:

„Владата предводена од СДСМ продолжува со реализација на реформите што ги унапредуваат системите на детска и социјална заштитата.

Платите продолжуваат да растат.

Со јунската плата, стручниот кадар во градинките доби покачување од над 3.000 денари, со што над 3.100 лица кои се вработени како воспитувачи, негователи, стручни работници и стручни соработници-педагог, психолог, логопед, дефектолог и други за вршење на работи поврзани со дејноста згрижување и воспитување на деца од предучилишна возраст добиваат значително повисоки плати“, соопштуваат од СДСМ.

„Исто така, усогласено со Колективниот договор, повисоки плати добива и помошно техничкиот персонал во градинките.

Продлжува и реализацијата на реформите кои го унапредуваат системот на социјална заштита, се враќа достоинството на професијата.

Од јунската плата во секторот социјална заштита платите се зголемуваат во просек за 22 отсто, односно за 4.367 денари во нето износ во просек по вработен.

Зголемувањето на платите се спроведува согласно Законот за вработените во јавниот сектор и со него се опфатени 1.170 вработени.

Веќе во септември предвидено е ново зголемување за 5 отсто.

Како одговорна партија остануваме посветени на унапредување на социјалната и детската заштита, градиме систем кој се грижи за децата и граѓаните“, се вели во соопштението на СДСМ.

Би можело да ве интересира

Шукова: Минимална плата од 500 евра за спас на стандардот на работниците

СДСМ: Кочоска продолжува со навредите кон Петровска и сите жени

Катерина Ѓуровски

Опозициската коалиција ја јакне соработката со нов договор

А1он

(ВИДЕО) Кузеска: Мицкоски да ја разреши Кочовска за навредите

А1он

Димитриеска-Кочоска: За мене завршена е темата за инцидентот со пратеничката на СДСМ, Славјанка Петровска

Гаши: Владата треба да биде внимателна во Собранието како се однесува кон пратениците