СДСМ и институциите што ги предводи покажаа вистинска грижа за лозарите и винариите, со реализација на мерки и политики, коишто даваат конкретни резултати. Низ партнерски однос и консултации е постигнато историско зголемување на откупните цени на грозјето за 30 отсто. Со последната одлука Владата воведе дополнителна мерка од 2 денари по килограм за лозарите, се вели во соопштението од СДСМ.
„На веќе договорените 13 и 15 денари по килограм, цената на откупната цена на грозјето ќе достигне 15 денари за смедеревката и 17 денари за вранец. Покрај највисоките откупни цени лозарите добиваат субвенции од 40.000 денари за одржување на лозовите насади, како и 4.200 денари по хектар за зелена нафта.
Благодарение на поддршката и создавање поволни услови за работа и развој, веќе трета година по ред извозот на вино бележи пораст, и во количина и во вредност.
Само лани македонските винарии извезле вино во вредност од над 61 милиони долари, што е зголемување од 19 отсто во споредба со 2020 година. СДСМ посветено продолжува да креира и реализира мерки за поддршка на лозарството и винарството, за унапредување на овој, исклучително значаен сектор, со висок потенцијал за развој и извоз, се вели во соопштението.