Николовски на средба со претставници на лозарите од Тиквешијата: Обезбедуваме поддршка за секој лозар по хектар произведено грозје

Од:

Министерот за земјоделство, шумарство и водостопанство, Љупчо Николовски заедно со државниот советник за рурален развој, Трајан Димковски, денеска одржаа средба со претставници на лозарите од Тиквешијата.

Денешната средба доаѓа по вчерашното упатено барање до министерот од група лозари за средба, на која се слушнале и детaлно се разгледале нивните барања.

– Барањето на групата лозари до министерството беше да се креира интервентна мерка од пет денари за предадено винско грозје. Од страна на министерот Николовски и државниот советник Димковски, пред лозарите на средбата детално беше презентиран предлогот кој е даден до подсекторската група за најмалку 12.000 денари по хектар поддршка на лозарите за произведено винско и трпезно грозје, соопштија денеска од МЗШВ.

Со ваквата предлог мерка за поддршка по хектар произведено грозје, се посочува во соопштението, се дава поддршка на сите лозари. Поради болеста оваа година штета по родот претрпеа сите лозаропроизводители, па оттука, стои во соопштението, како министерство сметаме дека чесно и правично е поддршката да ги опфати сите лозаропроизводители.

На состанокот заеднички бил донесен заклучок дека од интерес на лозарите е поддршката на Министерството да биде по хектар произведено грозје. На состанокот е договорено, до крајот на октомври, по завршување на сите потребни анализи за трошоците, на нова средба заедно со лозарите да биде дефиниран и износот на поддршка по хектар.

Министерот Љупчо Николовски на средбата ги информирал лозарите за новиот закон за вино, што е подготвен и се наоѓа во собраниска процедура, каде точно се утврдува начинот за креирање на откупнате цена на грозјето. Тој побарал поддршка од лозарите за заеднички да се направи притисок до крајот на оваа година овој важен закон биде донесен од страна на Собранието.

Исто така, Николовски информирал дека во завршна фаза се активностите за модернизација на системот за наводнување Марена, кој се очекува до крајот на оваа година да биде завршен во целост со поставување на шест нови пумпи. Лозарите веќе од следната сезона ќе можат без проблем да го користат овој систем за наводнување.

– Како министерство сите овие години во дело сме докажале дека сме искрен партнер на лозарите. Дека се грижиме и даваме поддршка за секој еден земјоделец. Ние сме министерство кое ги слуша земјоделците и своите одлуки секогаш ги носи во директна консултација со земјоделците и постојаните подсекторски групи на министерството, се подвлекува во соопштението од МСШВ.

Би можело да ве интересира

Николовски: Го зајакнуваме договорното производство на сончоглед

Николовски: Започнати се активностите за проектирање на системот за наводнување од браната Лисиче, обезбедуваме наводнување за 3.500 хектари нови земјоделски површни од регионот на Велес и Чашка

Николовски: Заедно креираме мерки што даваат резултати за земјоделците, да продолжиме заедно развивајќи го македонското земјоделство

Горан Наумовски

Николовски: Поддршката за малите производители на храна и малите винарии даде резултати, за една година имаме регистрирани нови 2.508 регистирани оператори со храна и 91 мала винарија

Николовски: За само две години создадовме над две илјади мали оператори со храна како семејни бизниси

Горан Наумовски

Николовски: Сите земјоделци чии договори за закуп истекуваат за време на изборниот процес непречено ќе ги добијат заслужените субвенции, креиравме решение во интерес на земјоделците