„Добро е што се намалуваат царините ама срамота е актуелната власт да се фали со нешто што е договорено од други влади, со години наназад. Тоа е одамна започнат процес, се случувал и досега и ќе продолжи да се случува без разлика која партија се наоѓа на власт.
– Јавноста треба да знае дека ова не е одлука на Груевски, уште помалку на Ставревски а најмалку на Каргов. Намалувањето на царините се резултат на потпишаните договори на Владите на Република Македонија со ЕУ и со Светската трговска организација, со години наназад.
– Оттаму, веројатно економската ситуација во Македонија е до тој степен катастрофална, како резултат на погрешната, неодговорна и расипничка политика на Груевски и Ставревски па тие мораат да се фалат со туѓи заслуги.
– Од тие причини, наместо да се фали за нешто што не е одговорен Ставревски треба да каже зошто Македонија е во рецесија, индустриското производство паѓа цела година, а невработеноста се зголемува?
– И зошто во Македонија, за 9 месеци во 2012 година, по негово водство и под водство на неговиот шеф Никола Груевски, остварени се само 44 милиони евра странски инвестиции со што Македонија се наоѓа не само на последното место во Европа туку влегува и во рангот на најсиромашните афрички држави“, се вели во писмена реакција на СДСМ на денешнaта прес конференција на Ставревски и Каргов.