РКЕ: БЕГ мора да пушта парно и кога надвор ќе биде 16 степени

Од:

И кога надворешната температура преку ден ќе биде до 16 степени целзиусови, БЕГ ќе мора да испорачува парно во домовите. Ова го наложуваат измените со кои се дополнуваат мрежните правила за дистрибуција на топлина и кои предвидуваат зголемување на температурните граници при прекин на работа на топланите.

Регулаторната комисија за енергетика (РКЕ) која ги одобри ваквите измени, соопшти дека целта е да се зголеми комфорот на потрошувачите приклучени на системот за централно греење кои во услови на пандемија се приморани подолго време да престојуваат во своите домови.

-Со измените кои ги одобривме БЕГ се задолжува во услови кога надворешната температура преку ден стигнува до 16 степени целзиусови да има испорака на топлинска енергија во домовите. Ги повикувам компаниите за зголемена општествена одговорност во состојба на пандемија. Воедно ги информирам потрошувачите дека се разгледува можноста за прекршочна постапка поради непочитување одредби од Законот за енергетика и обврските дефинирани со лиценцата за вршење на енергетската дејност, вели претседателот на РКЕ, Марко Бислимоски.

Според него, потрошувачите кои се незадоволни од услугата од дистрибутерите на топлинската енергија може да поднесат приговор до РКЕ.

Би можело да ве интересира

РКЕ бара разделување на потрошувачката на електрична енергија на сметките за струја

Ана Ололовска

ДИЖС: Наместо мазут, како алтернатива на гасот БЕГ да користи еколошки енергенси

Регулаторна и министерствата работат на проширување на листата на потрошувачи за да се намали енергетската сиромаштија

Ана Ололовска

Бислимовски: РКЕ не носи одлука за крајна тарифа за цената на водата, туку определува минимална и максимална просечна тарифа

Ана Ололовска

Бислимоски: Ќе се зголемат ингеренциите на РКЕ во делот на водни услуги

Ана Ололовска

Поради дефект без парно е дел од населбата Водно