Веќе шест месеци бројката на невработени во Германија расте. Бројот на невработени кои германските статистичари го заокружуваат на 2,9 милиони, во август само за еден месец пораснал а за 11 илјади невработени, а во септември дури 9 илјади лица се додадени на листата на невработени.
Иако стапката на невработеност сеуште се држи на 6,8 отсто, нагорниот тренд ги загрижува германските власти.
„ Економијата е погодена од кризата, но и покрај тоа општата ситуација на пазарот на труд е стабилна “ – изјавил директор на Државната агенција за труд Франк Југер Вајс.
Бројот на невработени пораснал и во Франција. Минатиот месец бројката на невработени пораснала на 3, 011 милиони, што е за девет проценти повеќе отколку истиот месец минатата година. И бројка незапаметена од 1999 година. Бројот на невработени нагорен тренд бележи во изминатите 16 месеци.
Министерот за труд Михаел Сапинов, во изјава за француските медиуми загрижено рече: „ Лошо е, повеќе од јасно е дека е лошо“. Владата нагорниот тренд на невработени го препишува на режимот на нивниот претходник Николас Саркози.
„Овие три милиони невработени се олицетворение на неуспехот да се усогласат економската криза и социјалната полтика во изминативе неколку години“ – напиша во соопштението француското Министерствот за труд. „Владата ќе истрае во своите намери, што поскоро да превземе реформи„ – се додава во соопштението. Новите информации за невработеноста секако ќе го засилат притисокот врз претседателот Франсоа Оланд, кој на власт дојде пред се поради ветувањата дека ќе ја заживее економијата.