Лозари денеска протестираат пред винарската визба „Повардарие“ од Неготино, поради неисплатени обврски од страна на винарницата.
– Всушност станува збор за блокада. Блокирани се двете капии на винаријата и не дозволуваме влез или излез на било каков имот на винарската визба. Овој протест легално е пријавен во полиција. Работата е што не го почитуваат договорот што е потпишан, има луѓе со неисплатени обврски од 2014 година, рече Илија Јанчев, член на Иницијативниот одбор за протестот.
Според него, протестот не е политички и тие само бараат да бидат исплатени.
Јанчев вели дека се обратиле и до „Повардарие“, но оттаму засега немаат излезено со став за најновиот протест на лозарите пред нивните капии.