Просечната исплата плата во БиХ за март годинава изнесувала 819 конвертибилни марки (418,75 евра) и номинално е пониска за 0,5 отсто во однос на истиот месец од 2012 година, а за 1,5 проценти во однос на декември минатата година.
Најниската просечна нето плата од 525 конвертибилни марки (268 евра) е регистрирана во областа на хотелиерството и угостителството, а највисоката во финансискиот сектор и осигурувањето 1.337 конвертибилни марки (683,6 евра).
Просечната месечна бруто плата во БиХ во март била 1.278 конвертибилни марки (653,4 евра), што покажува номинален пад за 1,6 отсто во однос на декември 2012 година, а во однос на истиот месец од минатата година, номинално е пониска за 0,6 проценти.