Производството на вино во Европа достигна 16,1 милијарди литри

Од:

Производството на вино во Европа достигна 16,1 милијарди литри во 2022 година.

Како што објави Евростат, трите најголеми производители на вино учествуваа со 83 отсто од производството во ЕУ.

Италија и Шпанија учествуваа со речиси пет милијарди литри, што заедно претставува 62 отсто од вкупното продадено производство во ЕУ, додека Франција произведе 3,4 милијарди литри или 20 отсто.

Други производители, кои надминуваат еден процент од вкупната количина во ЕУ, беа Германија со четири отсто, Португалија над два отсто и Унгарија под два отсто.

Водечки извозник на вино во 2022 година е Италија со извоз од 2,2 милијарди литри, што претставува 30 отсто од извозот на вино од ЕУ.

Членките на ЕУ минатата година извезле вкупно 7,2 милијарди литри вино.

Речиси половина, односно 3,2 милијарди литри или 44 отсто се извезени во земји надвор од Унијата.

Најмногу вино е извезено во Обединетото Кралство 0,7 милијарди литри или 23 отсто од извозот надвор од ЕУ, потоа САД 0,7 милијарди литри или 22 отсто, Русија 0,3 милијарди литри или 9 отсто и Канада 0,2 милијарди литри или шест отсто.

Најголеми извозници по Италија во 2022 година беа Шпанија со 2,1 милијарди литри или 29 отсто и Франција со 1,4 милијарди литри извоз или 19 отсто.

Би можело да ве интересира

За првпат ќе се утврдува производствена цена за килограм винско грозје, предлог-законот за вино помина во прво читање на Комисијата за европски прашања

МЗШВ: Владата ги усвои програмите за поддршка на малите производители на храна и малите производители на вино за 2024 година

Ковачевски од Кавадарци: Македонското вино го издигнавме на 13 место во светот, расте и девизниот прилив

Николовски: Македонското вино е нашиот најдобар промотор

Владата го усвои новиот закон за вино – по прв пат гарантирана цена на винското грозје и заштита на географските вински ознаки

Франција издвојува 200 милиони евра за уништување на вино