Блокадата на лозарите на патот Градско – Прилеп кај Росоман продолжува. Претседателот на Регионалниот сојуз на лозари Љупчо Аризанов информира дека состанокот закажан за денеска е презакажан за задутре.
– Во петок ќе седнеме на заедничка маса со претставник на „Винеа” која ни должи над 600 илјади евра и претставник на Министерството за земјоделство, шумарство и водостопанство. Ќе разговараме околу динамиката на исплата на обврските кон нас од страна на винаријата чија продажба по наше барање беше стопирана, соопшти Аризанов.
Тој се надева дека лозарите од Тиквешко ќе ги добијат парите за грозјето продадено во претходните години.