Бројот на превезени патници во патниот патнички превоз и воздухополовниот во првиот квартал од годината има пораст. Според објавените податоци од Државниот завод за статистика, во патниот патнички превоз бројот на превезените патници изнесува 3.679.000 и бележи зголемување од три отсто, додека бројот на превезените патници во воздухопловниот превоз изнесува 191.957 и има зголемување од 12 отсто.
Во градско-приградскиот превоз превезени се 16.660.000 и има намалување од 10,3 отсто и кај железничкиот сообраќај превезени превезени се 197.000 патници при што е забележано намалување од 30,6 отсто.
Во овој период, во споредба со првото тримесечје од 2012 година, количеството на превезената стока во товарниот патен превоз е зголемено за 47,9 отсто, во воздухопловниот превоз за 20,7 отсто, додека во железничкиот превоз има намалување од 4,9 отсто.