Подготовка на инфраструктурата во зоните за повеќе инвеститори по здравствената криза

Од:

Кој ќе создаде поповолни услови по завршувањето на здравствената криза таму ќе одат и инвеститорите, порача денеска премиерот Оливер Спасовски при увидот на градежните активности на Технолошки индистриски развојната зона – 2 (ТИРЗ-2) која се протега на 97 хектари и е втора по големина во нашата држава.

-Како Влада сме определени да направиме се да ги завршиме условите во ТИРЗ зоните и на тој начин да се подготвиме за поголема економска активност. Овде веќе функционираат неколку фаврики. Со завршувањето на инфраструктурата во оваа зона продолжуваме се активности на ТИРЗ-3 каде ќе понудиме поволни услови за инвестирање, истакна Спасовски.

Порача дека сите проекти кои се однесуваат на инфраструктурата ќе продолжат со силно темпо и оти тоа се гледа на ТИРЗ 2 каде се работи на патната, водоводната инфраструктура…

-Идејата е подготвено да ги дочекаме инвеститорите во наредниот период по завршувањето на кризата, рече премиерот Спасовски и нагласи дека е многу значајно да се поддржат овие зони, имајќи ги предвид бројките каде оваа година извозот е околу 630 милиони денари или увозот со околу 556 милиони денари.

Вицепремиерката Мила Царовска информираше дека до последниот квартал годинава градежните работи ќе завршат како и тоа дека во текот на оваа здравствена криза беа обезбедени протоколи кои не дозволија производствените капацитети да престанат со работа, а со цел да имаат услови да ги обезбедат услугите и производството кое им е потребно.

Директотрот на Дирекцијата на ТИРЗ, Александар Младеновски, рече дека во ТИРЗ -2 во моментов во изведба е патната инфраструктура од 2.5 километри, а информираше дека и на другите индустриски зони во државава, како што се во Прилеп, Штип, Струга Кичево… интезивно се работи на привршување на инраструктурните зафати.

Би можело да ве интересира

Путин: Руската економија закрепнува во многу сектори

Жарко Настоски

Состанок на Битиќи со евроамбасадорот Гир – Пристапниот процес кон ЕУ национален интерес, посветеност кон реформите

Ана Ололовска

Скопскиот регион со најголемо учество во БДП, најмало во североисточниот

Ана Ололовска

Светска банка: Ковид пандемијата силно ја погоди С.Македонија, економската активност ќе се намали 4,1 отсто

Ана Ололовска

Паолучи: Одговорот на кризата на властите навремено и се уште потребен, мерките насочени кон ранливите

Ана Ололовска

Бектеши: Законското решение и повиците подготвени, се чека законската основа, поддршката до стопанството од четвртиот сет навреме ќе стигне

Ана Ололовска