Бразилскиот гигант „Петробраз“ објави вчера дека лани претрпел рекордни загуби во износ од 34,8 милијарди реали (9,6 милијарди долари), пред се поради падот на цените на суровата нафта.
– Годината беше исклучително тешка за нафтената индустрија во целина, појасни на прес-конференција Алдемир Бендин, претседател на државната команија, која беше погодена од најголемиот корупциски скандал во историјата на Бразил.
Загубите на „Петробраз“ се зголемија во споредба со 2014 годин, кога изнесуваа 21 милијарда реали (7,2 милијарди долари), од кои една четвртина се поврзани со корупцијата, како што призна и самата компанија.
„Петробраз“ појасни во соопштение дека минатата година загубите се пред се поврани со намалувањето на цените на суровата нафта и на вредноста на реалот.
Компанијата лани ги намалила инвестициите за 12 отсто или 76,3 милијарди реали (21,1 милијарда долари).