Песков: Увозните царини ќе ја поскапат руската нафта

Од:

Американскиот предлог за воведување царини за руската нафта ќе значи дека купувачите ќе мора да платат повеќе или да бараат други добавувачи, изјави денеска портпаролот на Кремљ, Дмитриј Песков.

Американската министерка за финансии Џенет Јелен вчера кажа дека Европската унија би можела да ги комбинира увозните давачки за руската нафта со постепеното ембарго за нафта, што се обидува да го наметне, за да ги намали руските приходи од енергенсите, како дел од шестата рунда санкции против земјата поради инвазијата на Украина.

Концептот на царини ќе биде претставен на состанокот на министрите за финансии на седумте најголеми светски економии на Г7 неделава како економски најевтин начин приходите од нафта да се извлечат од Москва, со истовремено постигнување побрзи резултати, изјавија претставници на американското Министерство за финансии.

Со оглед на фактот дека руската нафта се продава со попуст во однос на глобалната референтна вредност, царината би можела да се постави на нивото што би го покривало делот од тој јаз и на тој начин би го намалил рускиот профит, изјавија американските власти.

Но, царината треба да бидат доволно ниски за Русија да заработи повеќе од трошоците за производство, што ќе и даде поттик да продолжи да извезува, додаваат тие.

Со задржувањето на руската нафта на пазарот би се избегнал натамошниот потенцијален скок на цената на нафтата поради намалената понуда.

Извор: МИА

Би можело да ве интересира

Белорусија од Русија ќе добие ракетен систем Искендер-М

Петмина загинати при падот на рускиот воен транспортен авион

А1он

Блинкен: Војната на Русија ќе доведе до глад 40 до 50 милиони луѓе

А1он

ВИДЕО: Се урна руски воен авион, загинаа четири лица

Ана Ололовска

Франција најавува целосно полни капацитети за складирање гас додека Русија ги намалува испораките

А1он

Француско МНР: Москва прогласи француски дипломат за персона нон грата

А1он