Здружението на пензионери на општина Центар се задоволни од линераното зголемување на пензиите за 550 денари. Денеска изразија благодарност до Владата за реализираното ветување за покачување на пензиите.
– Во оваа економска криза кога во голем број држави во Европа се намалуваат или замрзнуваат пензиите, во Македонија благодарение на разбирањето што го имаме со Владата ниту една од овие мерки не се применети. Владата останува на ставот за повремено зголемување на пензиите, рече денеска на прес-конференција Крсте Ангеловски, претседател на Собранието на Здружението на пензионери на Центар.
Според пензионерите, зголемувањето на нивните приходи значи многу, имајќи предвид дека со пензиите понекогаш се издржуваат цели семејства.
– Според податоците од Сојузот на пензионерите околу милион лица се издржуваат од пензиите без разлика дали се работи за нивни деца или внуци така што секој денар во буџетот е добредојден. Затоа и благодариме на Владата затоа што и во услови на глобална криза најде начин да ги зголеми пензиите, велат од Здружението на пензионери на општина Центар.