Поранешниот брокер на француската банка Société Générale, поради проневера мора да врати шест милијарди долари.
Жером Кервил е веројатно најзадолжениот човек на светот. Шест милијарди долари, односно, 4.9 милијарди евра го чини проневерата на која ја направил на Société Générale. Тој износ мора да го плати откако ќе ја отслужи тригодишната затворска казна.
Неговото тргување на берзата беше една од најголемите проневери во историјата на банкарското работење. Осуден е за злоупотреба на довербата, проневера и внес на погрешни податоци. На пресудата донесена во 2010-та година, брокерот поднел жалба која му е одбиена.