Ново барање на газдите: Да ни се намалат придонесите за плати за да не мора да увезуваме работници од Непал и Турција

Од:

Стопанската комора на Северозападна Македонија побара нови мерки од Владата во насока на ублажување на одливот на работна сила во регионот.

– Приоритет треба да биде либерализација на трудот со некои земји од регионот, бараме либерализација и со Косово. Да се зголемат квотите, имаме недостиг на работна сила во хотелиерството, туризмот и градежништвото. Од ден на ден нашата земја останува без работна сила иако во последните три години дипломирале 15.000 студенти.

Минималната плата ја имаме поддржано и настојуваме средната плата да се покачи. Бараме да се намалат придонесите од Владата за да може да се зголемат и средните плати за да ублажиме колку толку работна сила да не заминуват во страство. Придонесите се прогресивни и затоа бараме да бидат намалени за да може да ги покачиме платите – рече потпретседателот на СКСЗМ, Менди Ќура.
Тој рече дека лани во Струга и во Охрид биле затворени ресторани поради недостиг на работници.

– Пријавите во Агенцијата за вработување да се вклучат во работната сила. Во градежништвото веќе почнаа да доаѓаат од Непал и од Турција. Ќе сме принудени да увезуваме такви кадри. Најголем проблем е работната сила и тоа ќе биде уште поголем проблем во следните години. Членките во Комората се жалат дека никој не се јавува на оглас. Во мојата компанија ни фалат многу работници и имаме нон-стоп отворени огласи.

Комората бара да се престане со замрзнување на цените и да се интервенира со активирање на државни резерви, со намалување на даноците и со намалување на ддв-то.

Би можело да ве интересира

Џафери: Владата има обврска да спроведува закони, затоа ги усогласивме коефициентите за плата

Орце Костов

Синдикалната минимална кошница за март 58 998 денари, само за еден месец се зголеми за 1522 денари

Орце Костов

Ваучери за брак, слободен ден за роденден: Дефицитот од работници ги принуди фирмите да ги зголемат бонусите

Орце Костов

Ковачевски: Успеавме просечната плата да ја издигнеме на 40.000 денари

Работниците со ниски приходи ќе добијат 3.555 ваучери за туризам од 300 евра

Орце Костов

Граѓаните не можат да си дозволат нов автомобил: Лани продадени трипати повеќе половни отколку нови

Орце Костов