Нови смерници на интеграција за идните доселеници во Германија

Од:

Недостигот од стручна работна сила се смета за еден од најголемите деловни ризици во Германија. Од таа причина, владата планира да го унапреди процесот на доселување на квалификувани работницимеѓу другото со понуда на јазични курсеви и информативна работа во земјите на нивно потекло и транзитните држави.

dobivaj vesti na viber

„Наша цел е уште пред доселувањето да ги поставиме смерниците на интеграцијата“, изјави сојузната ополномоштеничка за интеграција, Мауц, откако владата во средата го усвои првиот дел од Националниот акциски план за интеграција, чија цел е Германија да стане атрактивна цел за стручњаците. Во усвоениот документ стои: „Уште пред потенцијалните доселеници да донесат одлука да дојдат во Германија, треба што е можно поопсежно да бидат информирани и запознати за животот во земјата“. Германија се наоѓа во состојба на конкуренција со други земји околу придобивањето на стручњаците, истакна владиниот портпарол Штефан Зајберт, додавајќи: „Но, ние истовремено сакаме луѓето да не стигнуваат кај нас полни со илузии.“ Во 2015 и во 2016 година кај мигрантите беа присутни делумно „целосно погрешни очекувања“, потенцира Зајберт. Целта е на луѓето да им се потенцира на пример важноста на познавањето на германскиот јазик за идната професионална иднина, а притоа не станува збор за мерка на одвраќање.

Целокупниот Акциски план се состои од пет фази и треба да опфати теми како првична интеграција и вклопување на идните доселеници во новиот живот. Во проектот учествуваат преку 300 актери од сојузната држава, покраините, општини, социјални партнери и цивилното општество. Сојузната влада го истакнува посебно уделот на околу 75 организации за миграција. Планот го координира Видман-Мауц.

На 1. март во сила треба да стапи Законот за доселување на стручна работна сила, кој треба да им го олесни патот до Германија на квалификуваните работници од државите надвор од ЕУ. Со него Германија се надоврзува на искуствата на класичните доселенички земји и стреми кон „сигурна, регулирана и регуларна миграција“, како што се истакнува во неговото образложение- пренесe Дојче Веле.

Би можело да ве интересира

Германија подготвува испорака на стотици генератори во Украина

А1он

По неколкумесечни разговори, Германија и Полска се договорија за испорака на нафта

А1он

Во Германија се зголемува бројот на работници со скратено работно време

А1он

Германија ќе и испрати седум тенкови „Гепард“ на Украина

А1он

Германија: Сè уште важи нашата понуда за распоредување на системот Патриот за Полска

Ана Ололовска

Штајнмаер до албанските пратеници: Вашето срце чука за Европа, работете заедно успехот ќе дојде

А1он