Мерките за штедење кои ги преземаат европските земји се се понепопуларни. Синоќа во Шпанија – по протестите – избувнаа немири. Денес – Протести во Португалија и Франција. Иако левичар – Претседателот Оланд е под се поголем притисок од таа страна на политичката сцена.
Повеќе десетици илјади луѓе протестираа во Париз против строгите мерки за штедење наметнати од страна на Европската унија: се противат на политиката на штедење, која, како што сметаат, води кон рецесија и пропаст.
Францускиот парламент се очекува во почетокот на октомври да гласа за Европскиот буџетски договор кој предвидува санкции кон државите кои нема да ги намалат јавните давачки. Левицата бара од претседателот Франсоа Оланд да го одржи предизборното ветување и да распише референдум за договорот за кој левицата тврди дека значи крај на социјалната држава.
