Санди Чешко, најбогатиот словенец според листата на Форбс, тежок е околу 410 милиони евра, а стилот на животот му е како обичен службеник. Тој е еден од ретките богаташи на Балканот кој нема јахта, викендица или скап часовник. Чешко нема дури ни секретарка во канцеларијата и сите обврски ги завршува сам.
Бизнисот го започна со „Космодиск“, а денес е крал во произведување на душеци и перници „Дормео“. Неговиот „Топ – шоп“ е најголема фирма за ТВ- продавање во повеќе од 20 земји во Европа. Сопственикот на оваа империја, кој е втор на листата на најбогати Балканци на Форбс, никогаш се нема замислено да одмора на сопствена јахта, бидејќи како што вели, има многу повеќе идеи отколку пари.
– Моето его се задоволува со самото тоа што сум меѓу најдобрите, ако не и најдобар во тоа што го работам. Луѓето се во заблуда дека успехот се мери со должина на јахта, објаснува Чешко.
Најбогатиот Словенец сам одговара на телефонските повици, самиот резервира хотели и авионски карти на интернет, а преку електронска пошта комуницира со бизнис – партнерите.
– Секретарката секогаш ме кочеше во работата, додека чај или кафе можам да направам сам. Во денешно време, клучна е блиската комуникација со соработниците, вели Чешко.
Петар Клинчарски