Мал е бројот на македонски граѓани кои досега аплицирале за вработување во „Бехтел и Енка“, конзорциумот кој ќе ги гради патните коридори 8 и 10.
Ова го оцени премиерот Димитар Ковачевски од делницата Прилеп-Битола која е дел од коридорото 10д.
– „Бехтел и Енка“ во моментов разгледуваат 360 апликации од македонски граѓани од сите различни профили. И тоа е малку, бидејќи во моментов на конзорциумот му се потребни 2.000 работници – рече Ковачевски.
Тој посочи дека саемите за вработување треба да бидат поттик за сите наши со граѓани, без оглед на возраста, сите оние што се работоспособни и кои сакаат да работат на овој голем проект. До сега саеми за вработување се одржаа во Тетово, Гостивар и во Битола.
„Вакви саеми ќе бидат организирани и во други градови од државата со цел да бидат пополнети со наши македонски работници така како што стои и во договорот“, рече Ковачевски и додаде дека во текот на градбата на автопатските делници, потребата од работници ќе се искачи до 8.000 работници.