Меѓународниот монетарен фонд соопшти денеска дека минатомесечната одлука на Јордан да ја зголеми цената на одредени видови горива и до 53 проценти е важен чекор и покрај насилните протести, во кои загинаа три лица, а повеќе од 70 беа повредени.
– И покрај атмосферата полна со предизвици, властите спроведоа здрава макроекономска политика со цел да се намали фискалната и надворешната нерамнотежа на општествено прифатлив начин. Укинувањето на општите субвенции на сите нафтени деривати е важен чекор, се наведува во соопштението на Фондот.
– Со тоа се намалуваат трошоците и ризиците за буџетот, кои произлегуваат од нестабилните цени на нафтата, додаде ММФ.
Јордан инсистира дека растот на цената бил неизбежен, со оглед на тоа има дефицит на буџетот од пет милијарди долари, додавајќи дека преземените мерки до крајот на годината ќе доведат до заштеда на 42 милиони евра.
ММФ очекува дека просечната инфлација во Јордан оваа година ќе изнесува околу пет проценти.