Извршниот совет на Меѓународниот монетарен фонд (ММФ) денеска ќе заседава за да одобри исплата на транша од 1,8 милијарди евра на Грција, објави весникот „Етнос“.
Се очекува претставници на Фондот да го разгледаат исполнувањето на економската програма на грчката Влада и пред се одржливоста на грчкиот долг.
Во извештајот, што ја содржи оценката на ММФ за грчката програма се вели дека ќе биде истакнат напредокот од Грција во однос на намалувањето на буџетскиот дефицит и подобрување на конкурентноста и ќе и биде препорачано на земјата да ги продолжи структурните реформи и најмногу да се справи со даночните должници.