Претставници на Меѓународниот монетарен фонд (ММФ), кои се во посета на Тирана, ја повикаа новата албанска Влада да преземе дејствија за намалување на јавниот долг на земјата.
Шефот на мисијата на ММФ Надим Илахи изјави дека се неопходни брзи дејствија за намалување на албанскиот долг, како и за гаснење на задолженијата кон приватни претпријатија во земјата.
Според ММФ, буџетското заздравување треба да се фокусира врз даночната политика и врз приходите, кои регистрираа пад.
Сопственоста продолжува да биде сериозен проблем во Албанија, рече шефот на мисијата. Тој ја повика новата албанска Влада да интервенира, зашто во спротивен случај економијата на земјата ќе биде во ризична ситуација.