Германската канцеларка Ангела Меркел им порача на законодавците на Европската Унија дека државите мораат да дозволат Брисел да има надзор над јавните финансии кога е тоа потребно.
Според неа, европските држави мораат подлабоко да се интегрираат доколку сакаат да го зачуваат единството и благосостојбата.
„Довербата на ЕУ ќе мора повторно да се заслужи“, рече Меркел во говорот во Европскиот парламент.
„Ќе победиме заедно… тоа е мојата цел“, рече канцеларката, изразувајќи уверување дека лидерите на ЕУ ќе покренат радикални чекори на Самитот на 13-ти и 14-ти декември, за европската монетарна унија подобро да функционира и да зајакне.
Меркел исто така оцели дека буџетите на одделни држави-членки треба да бидат формирани по единствен принцип.
За да функционираат даночната политика, заедничките буџетски правила и пазарот, лидерите мораат да воспостават рамнотежа помеѓу новите тела и националните парламенти, наведува Меркел и додава дека е загрижена во врска со чекорите на некои држави членки на ЕУ, кои сакаат „ренационализација“ на суверенитетот.